Tentang saya

Tuesday, 7 February 2017

Halim Bin Yazid Diri Saya

Diri Ambo

Nok bakit asal ambo nok ghoyak titih
Adik kakok kalu nok kenal skali ni gak nya bulih
Diri ambo gelar halim bin yazid bin awang teh
Asal dikapung cangal dale jajahe Pasir Putih

25 oktober tahun 60
Amba lahir ke dunia di serambi gelega buluh
Tingga kandunge bonda dini hari awal subuh
Ambo celik mato tengok ale ni lawa sungguh

Ambo pun besar denga penuh kasih saye
Dale sebuah basa diri atah tanoh oghe
Ayoh selalu tingga gi pagi kelik male
Khijo cari cari samah serial nok bui ambo make.

Umur 7 taun ambo pun ngaji skoloh
Anok murid 3 butir kapung pakat duduk satu derjoh
Cikgu-cikgu sanjung kato hati ambo cerah
Tolok kali bahagi capur ambo congok jawab mudoh

Naik tingkate skoloh menegah tok janggut
Malu tu gak ko oghe baju carik seluar buruk
Keno bayar yure tambe bah ngan beli book
Ayoh tepakso jual aye hok dio saye dale perekok

Periksa spm ambo bulih gerik satu
Naik ting.6 keno pindoh ke skoloh baru
Diskoloh menengah kamil hati ambo betamboh sayu
Saing skelah oghe sene2 nok masuk dekat ambo raso malu
Bose ko drebar bah dok mitok pitih hari-hari
Doh tambe hok bule lepah ngan bule ni tok baya lagi
Bakali ambo ni hagah hai tok pade la denga body
Ambo lopak turun bah galah beg bejale kaki
Dari kapung cangal ke skoloh menengah kamil
Sikit jale banyok berungga nga air mato beline2
Hari-hari lapar jaghe benar hari kenye
Pitih poket seminggu serial pada beli baik ambo sipe

Hari skoloh umum keputuse STP
Saing-saing maghi kerumun dok pakat cuit dok pakat puji
Bele-bele senyum ambo tanyo bakpo gak nih
Saing kato hebat nyo mung keputuse mung tinggi skali

Buah ayoh mikir nok cari seribu rial
Doh ambo kena panggil masuk ngaji di U malaya
Korek habis tuke bowoh tuku celoh batal
Jale yang terakhir tanoh sbucu 2 ayoh jual

Ambo tingga kapung dengan bline air mato
Sapa di kuala lumpur takdok waris sedara mara
Denga baju sehelai sepunggong daftar u thn pertama
India cina pakat likung kato budok darat mari mano.

Ambo masuk 'U' ayoh pindah ke guo muse
Ambo mengadap buku ayoh nebah tanoh hute
Sedih becapur sayu ingat ko ayoh ambo soghe
Loni ambo gaji beribu nok balah jaso ayoh tok pade.

Nok bakit asal ambo nok ghoyak titih
Adik kakok kalu nok kenal hari ni ni gak nya bulih
Diri ambo gelar Halim bin Yazid bin awang teh
Asal dikapung cangal dale jajahe Pasir Putih


Bila terkenang lagu ini, ummi dapat bayangkan ummi waktu ketika dulu. Begitu susah orang tua kita hendak menyekolahkan kita. Kalau hendak di bandingkan dengan zaman sekarang memang jauh berbeza. Hanya yang berpengalaman sahaja boleh rasa kemanisan itu.




No comments:

Post a Comment

semua yang di tulis adalah berdasarkan pengalaman, pembacaan dan pemerhatian ummi sahaja.